पोखराको फुस्रेखोलामा एक किशोर मृत फेला

0

पोखरा । पोखराको फुस्रेखोलामा एक किशोर मृत फेला परेका छन् । पोखरा १७, बिरौटा निवासी १४ वर्षीय क्षितिज बस्यालको शव फेला परेको जिल्ला प्रहरी कार्यालय कास्कीले जनाएको छ ।

शनिबार दिउँसो एक पुरुषको शव खोलामा अड्किएको अवस्थामा भेटिएको सूचना पाएसँगै वडा प्रहरी कार्यालय बैदामको टोली घटनास्थल खटिएको थियो । शव पोस्टमार्टमका लागि पश्चिमाञ्चल क्षेत्रीय अस्पताल लगिएकोमा निजको आफन्त खोज्दै जाँदा बिरौटा निवासी उनकी ठुली आमाले सनाखत गरेको प्रहरीले जनायो ।

क्षितिजका बाबुआमा दुवै जना विदेशमा छन् । उनी ठुलीआमासँग बस्दै आएका थिए । घटनाको विस्तृत अनुसन्धान भइरहेको प्रहरीले जनायो ।

Leave a Reply