भूपू सैनिक सहकारीको सभा

0

हेमजा । पोखरा २५, हेमजास्थित भूपू सैनिक बचत तथा ऋण सहकारी संस्थाको आठौं वार्षिक साधारण सभा बुधबार सम्पन्न भयो ।

कार्यक्रम उद्घाटन गर्दै पोखरा महानगरपालिकाका प्रवक्ता एवं पोखरा २५ का वडाध्यक्ष मोतिलाल तिम्सिनाले राष्ट्रका निम्ति काम गरेर अवकाशपछि संस्था सञ्चालन गरेकोमा खुसी व्यक्त गर्दै सहकारी संस्थामध्ये नमुना सहकारी भएको बताए ।

कार्यक्रममा किसान बहुउद्देश्यीय सहकारी संस्थाका व्यवस्थापक हरिप्रसाद त्रिपाठी, नेपाल भूपू सैनिक संघ कास्की अध्यक्ष बलराम पौडेल र शिक्षा उपसमिति सदस्य पार्वती थापा बानियाँले शुभकामना दिए । सो अवसरमा उत्कृष्ट बचतमा देवुमाया तिमिल्सिना र उत्कृष्ट कर्जामा लक्ष्मण विक सम्मानित भए ।

कार्यक्रममा सचिव शेरबहादुर कार्कीले वार्षिक प्रगति प्रतिवेदन र कोषाध्यक्ष श्यामबहादुर कुँवरले आर्थिक प्रतिवेदन प्रस्तुत गरेकोमा सभाले पारित गरेको छ । संस्थाको सेयर पुँजी ३ करोड ३६ लाख रहेकोमा निक्षेप संकलन ६ करोड २० लाख ५१ हजार छ । ऋण लगानी ८ करोड ८७ लाख २७ हजार रहेको संस्थाका व्यवस्थापक प्रेमराज तिमिल्सिनाले बताए । सहसचिव पार्वती थापाले स्वागत मन्तव्य व्यक्त गरेको कार्यक्रममा सहायक व्यवस्थापक दुर्गा तिमिल्सिनाले सहकारीका ७ सिद्धान्त वाचन गरिन् ।

संस्थाका अध्यक्ष सुरेशबहादुर सापकोटाको अध्यक्षतामा भएको कार्यक्रमको सञ्चालन सचिव शेरबहादुर कार्कीले गरेका थिए ।

Leave a Reply